Epifania Agerkundea C ABESTIAK 2019-01-06
SARRERA
Argiaren jende eta / egunaren oinordeko,
abia gaitezen denok / Jaunarengana goizean,
uxatu ditu goiz-albak / gure baitako ilunak,
eta pozaldi betea / sortu digu bihotzean.
Aintzaren Aita Jainkoak / argi ditzala goiz-argiz
gure begion itzalak, / ikusaraziz bidea;
azken orduan dezagun, / Seme Nagusia baitan,
eskuratu guretzako / utzi zuen ondarea.
AINTZA ZERUETAN JAUNGOIKOARI (Bened 88) (Peña)
APAIZAK: Aintza zeruetan Jaungoikoari.
DENEK: Aintza, Zuri, Jauna, Eta eskerrak Zuri
Eta bakea lurrean
Haren gogoko gizonei,
hain handi eta eder zaitugulako
gora Zu, bedeinkatua, Zu,
gorespen Zuri, ahuspez, agur,
eskerrak zuri.-R/.-
Jainko Jauna, zeruko Errege,
Jaungoiko Aita guztiahalduna,
Jauna, Seme bakar, Jesukristo,
Jainko Jauna, Jainkoaren Bildots,
Aitaren Seme.-R/.
Zuk kentzen duzu munduko bekatua,
erruki, Jauna,
Zuk kentzen duzu munduko bekatua,
entzun gure deia,
Aitaren eskuin aldean
jarririk zaude Zu, Erruki Jauna.-R/.
Zu bakarrik Santua, / Zu bakarrik Jauna,
Zu bakarrik goi-goikoa / Jesukristo,
Espiritu Santuarekin / Jainko Aitaren argitan. Amen.- R/
SALMOA
Ikusi dute / lur-muga denek
gure Jainkoagandiko / garaipena.
Zuzentasuna garatuko da haren egunetan,
bakea ugari ilargia itzali artean.
Nagusi izan bedi itsasotik itsasora,
ibaitik lehor mugara..-R/
ALELUIA
Aleluia, aleluia, aleluia.
Haren izarra ikusi / dugu sortaldean,
eta hemen gatoz Jauna gurtzera.-R/.
SINESTEN DUT
Sinesten dut, Jauna, / sinesten dut.
SANTU
Kanta dezagun aingeruekin / zeruko kanta ederrena
Santua, Santu, Santua zara, / Jaungoiko Jaun eta onbera
Zeru (e)ta lurrak goresten dute, / goresten zure ahalmena.
Hosanna zuri zeru goietan, / Hosanna eta gorapena,
bedeinkatua orain eta beti / guregana datorrena.
JAUNARTZEA
Aspaldian, urrunean, / sortu zen Jainko Semea,
gaur sortzen da gureٮartean: / zabalik euki etxea,
zabalik bihotz barnea.
R/. Gaur sortzen da gureٮartean; / zabalik euki etxea,
zabalik bihotz barnea.
Ilunpean, giltzapean / hor zaudetenak, gaur jaiki!
Horra, Jauna bizi hontan: / egin da gizon osoki;
munduak hori baleki!- R/
AZKENA
Zatozte, kristauak, / bihotzak pozturik,
zatozte guztiok Belenera, / jaio den gure Jesus ikustera
“Jauna gurtu dezagun” (3), / ahuspezturik.
Ardiak utzita, / datoz artzain onak / zerutik deituak estalpera.
Goazen gu ere / berekin batera.
“Jauna gurtu dezagun” (3) / ahuspezturik.- R/
Gure maitasunez, / askatxo batean
hotzez dar-dar zaude / Jesus ona!
Zatoz, gugana, / Haur gozo laztana.
“Jauna gurtu dezagun” (3), / ahuspezturik. R/